ग्रामीण कला आनी सांस्कृती संस्था
वाळपय सत्तरी गोंय
रजि. नं. 31 / गोंय / 91
c/o कालिका वाचन मंदीर सावर्शें सत्तरी गोंय. फोन. 9923651774. 9823241072
संदर्भःग्राकाअसांसं/ सत्तरी/ नियाळ/ 2018-19/ ता. 2/7 /2019
संस्थेची वळख
‘सत्तरी’ म्हटल्यार पाचव्याचार सैमाचे अप्रूप रुप. ह्या म्हालान कृशी, सहित्य, इतिहास, लोकवेद सारकिल्ल्या मळांचेर आपली तांक शिध्द केल्या. हांगचो पुराय वाठार दोंगर घळींनी भरिल्लो आसा. येरादारीची मेजकीच साधनां आनी शारा सावन थोडोसो पैस आशिल्ल्या कारणान ह्या म्हालांतलो भौस मुक्ती उपरांत साधारण 30 -35 वर्सां उपेक्षीत उरिल्लो. हांगच्या भौसा मदीं कला गूणांचो उणाव ना. पूण तांच्या भितरल्या कलागूणच्या सादरीकरणाक माची मेळनासली देखून हांगच्यो कला गोंयच्या भौसा मेरेन पावपाक कळाव लागलो. हें लक्षात येतकूच सत्तरीतले विद्यार्थी, खेळगडी, तरनाटे, जाण्टे लोकवेद कलाकार, अस्तु-यो आनी जाणकारांक एखटाय हाडून तांच्या भितर संवाद घडोवन हाडचो आनी तांका माची मेळोवन दिवची ह्या हावेसान सत्तरीतले विंगड विंगड गांवचे 11 तरनाटे एखाटांय येयले. आनी तांणीं श्री. अंकूश नारायण डेगवेकार हांचे अध्यक्षते खाला ता. 27 नोव्हेंबर 1989 ह्या दिसा ‘ग्रामीण विकास शिक्षण संस्था’ ही संस्था स्थापन केली. त्या दिसा सावन आयज मेरेन ही संस्था सत्तरी वाठारांत खेळ, शिक्षण, नाट्य, संशोधन, साहित्य सारकिल्ल्या मळाचेर विवीध कार्यक्रम आयोजीत करतना सत्तरीची नवी वळख घडयत आसा. मदीं 2003 वर्सा कला आनी संस्कृती खात्या कडे संलघ्न जातना संस्थेन ‘ग्रामीण विकास शिक्षण संस्था’ ह्या नावांतलें विकास आनी शिक्षण हें उतर काडून ‘ग्रामीण कला आनी सांस्कृतीक संस्था’ अशें नवें नाव धारण केलें. आयज हे संस्थेन नाट्य आनी लोकवेदाच्या मळार आपली खाशेली वळख गोंयांक करून दिल्या.
साहित्यिक मळावेले योगदान
सत्तरी म्हालाक इतिहास संशोधक डॉ. पांडुरंग पिसुर्लेकार आनी पं महादेव शास्त्री जोशीच्या रुपांतली गडगंज साहित्यिक परंपरा आसा. ती परंपरा फुडे व्हरपाच्या उद्देशान विद्यार्थ्यां मदल्या साहित्यिक गुणांक उर्बा मेळची म्हण ‘ग्रामीण विकास शिक्षण संस्थेन’ जाय ते साहित्यिक उपक्रम राबयल्यात. ते अशे-
ज्येश्ट साहित्यिक स. सदानंद (भाई) तेंडूलकार आनी बाल साहित्यकार श्री. चंद्रकांत रामा गांवस हांच्या मार्गदर्शना खाला ता. 5 जून 1994 दिसा स. प्रा. वि. वाळपय हांगां कविता आनी निबंध लेखन का्र्यशाळा घेतली. हे कार्यशाळेत 14 विद्यार्थ्यांचो सहभाग आसलो.
18 जून 1994 वर्सा वर्सा क्रांती दिना निमतान कविता वाचन सर्त आयोजीत केल्या.
19 डिसेंबर 1997 ह्या दिसा खोडये सत्तरी हांगा सत्तरीतल्या नवोदित कवींचे कवी संमेलनाचे आयोजन केलां.
संस्थेचे हेर उपक्रम.
सत्तरी म्हालांतल्या मुळाव्या शाळांत शिकपी विद्यार्थ्यांखातीर वेगवेगळ्या शाळांतल्यान चित्रकला, वाचन, कथा कथन, कविता गायन, आनी हस्थाक्षर सर्तींचें आयोजन.
हायस्कूल, हायर सेकंडरी आनी कॉलेजीतल्या विद्यार्थ्यां खातीर प्रश्न मंजुशा, वक्तृत्व, आनी निबंध लेखन सर्तींचे आयोजन केलां.
सत्तरीचो इतिहास आनी संस्कृतीची वळख करून दिवचे खातीर श्री. राजेंद्र केरकार, श्री. नारायण देसाय, श्री. सदानंद (भाई) तेंडूलकार हांच्या व्याख्यानांचे आयोजन.
सत्तरीतल्या इतिहासिक थळांचे म्हत्व विद्यार्त्यांक कळचे म्हण विद्यार्थ्यांक घेवन इतिहासीक थळांक भेटी दिल्यात.
सैम भोवंडी
समाजा मदी सैम आनी पर्यावरणा संबंधान जागृताय निर्माण जावची. सैमाचे मन भुलयणे रूप लागीसावन पळोवक मेळचे ह्या उद्देशान संस्था सैम भोवंडी आयोजीत करता. आयज मेरेन संस्थेन जाय त्या सैम भोवंड्याचे आयोजन केलां. त्यो अश्यो-
म्होवाचो गुंडो ते कृष्णापूर 24 वरांची भोवंडी वर्स 1994
करमळी ते हुळण, 8 वरांची सैम भोवंडी वर्स, 1999
केरी धरण ते वागेरी, 9 वरांची सैम भोवंडी वर्स, 2003
केरी ते सडा 9 वरांची सैम भोवंडी वर्स, 2014
ह्या सैम भोवंड्यांनी म्हालगडे, तरनाटे अनी विद्यार्थ्यांचो सहभाग आसलो.
सत्तरी म्हाल मर्यादीत एकांकी सर्त
विद्यार्थी आनी तरनाट्या मदले नाट्य गूण विकसित जावन तांची कला लोकां मुखार सादर जावची ह्या हेतून “ग्रामीण विकास शिक्षण संस्थेन” 1993 सावन सत्तरी म्हाल मर्यादीत एकांकी सर्त सुरू केली. ती सातत्यान पांच वर्सां चल्ली. हे एकांकी सर्तीतल्यान तयार जाल्ले नाट्य कलाकार आयज गोंयचे रंग भुंयेर नामना जोडून आसात. एकांकी सर्तीतल्यान मुखार आयिल्ल्या कलाकारांमदीं श्री. प्रमोद म्हाडेश्वर, प्रकाश वझरीकार, शाबा कुडतरकार, झिलू गांवकार, गोपिनाथ गांवस, चंद्रशेखर गावस, प्रकाश पर्येकार, देउ झोरे हांचीं नांवां घेंव येता. ही सर्त पांच वर्सां चल्ली.
| अ.क्र. | आयोजन वर्स | थळ | सादर जाल्ल्यो एकांकी |
| 01 | 1993 | मोर्लें कॉलनी | 09 |
| 02 | 1994 | मोर्लें कॉलनी | 12 |
| 03 | 1995 | पिसुर्लें सत्तरी | 08 |
| 04 | 1996 | मासोर्डें सत्तरी | 08 |
| 05 | 1997 | सावर्शें सत्तरी | 06 |
नाट्य मळावेले योगदान.
सत्तरी म्हालांतल्या नाट्य कलाकारंक योग्य मार्गदर्शन मेळून तांचे कलेक फुलोर येवचो म्हण संस्थेन 7 ते 29 ऑगष्ट 2000 अशें 21 दिसांचें नाट्य शिबीर घेतलें. ह्या नाट्य शिबिरात वट्ट 32 शिबिराथींनी वाटो घेतिल्लो. तांकां कला अकादमीच्या नाट्य विद्यालयाचे स्थानक श्री. प्रमोद म्हाडेश्वर हांचे मार्गदर्शन लाभलें. श्री. म्हाडेश्वर हे सत्तरीतलेच आशिल्ल्यान फुडे ह्याच शिबिराथींक घेवन संस्थेन कला अकादमीच्या नाट्य सर्ती खातीर “आनी, एक बुटो फुल्लो…!” ह्या नाटकाची निर्मिती करून संस्था सर्तींत देवली आनी कोंकणी रंग भुयेच्या मळार इतिहास रचीत पुराय गोंयचे लक्ष आपले वटेन ओडून घेतले. सत्तरीतली “ग्रामीण विकास शिक्षण संस्था” ऑक्टो. 2000 वर्सा कला आकादमी आयोजीत 25 वे कोंकणी नाटक सर्तींत देवली आनी “आनी एक बुटो फुल्लो…” हें नाटक सादर करून सर्तींतलें सादरीकरणाचें 1 लें इनाम सत्तरीक मेळोवन दिलें. ह्या नाटकाक सादरीकरणाच्या इनामां वांगडाच आनीक 6 वैयकीक स्वरूपाची इनामांय मेळयत संस्थेन सत्तरीची तांक सिद्ध केलीं.
ह्या नाटकाक मेळिल्ली इनामां अशीं-
लेखनः 1लें प्रकाश र. वझरीकार
दिग्दर्शनः 1लें प्रमोद म्हाडेश्वर
उजवडा येवजणः 1लें निलेश महाले
नेपथ्यः 2 रें निलेश महाले
अभिनयः 1लें शाबा कुडतरकार
अभिनयः उत्तेजनार्थ महादेव गांवकार
“आनी, एक बुटो फुल्लो…!” ह्या नाटकाचे पुराय गोंयभर 19 प्रयोग जाले. तशेंच टी.
एम. पै फाउंडेशनान मंगळूर हांगा आयोजीत केल्ले अखील भारतीय कोंकणी नाटक सर्तींत जानेवारी 2001वर्सा हें नाटक सादर केले. ते सर्तींत ह्या नाटकाक सादरीकरणाचें तिसरें आनी हेर तीन इनामां फावो जालीं. “आनी एक बुटो फुल्लो…”! ह्या नातकाच्या जैता उपरांत संस्थेन एका फटोफाट 14 दर्जेदार नाटकांची निर्मिती करून गोंयची कोंकणी रंगमाची तर समृध तर केल्याच ते भायर कोंकणी रंग भुयेर वेगवेगळे प्रयोग करून भारतीय रंगमाची समृद्ध करपात मोलाचो हातभार लायला.
कला आकादेमी गोवा आयोजीत कोंकणी नाटक सर्तिंतली जैतीवंत नाटकां
| अ.क्र. | नाटकाचे नांव | लेखक | दिग्दर्शक | तारीक | इनामां |
| 01 | आनी एक बुटो फुल्लो | प्रकाश वझरीकार | प्रमोद म्हाडेश्वर | 21 नोव्हे. 2000 | 1 लें आनी हेर 5 |
| 02 | घटट्टाण… कोणाचे? | प्रकाश वझरीकार | प्रमोद म्हाडेश्वर | 01 नोव्हे. 2001 | 1 लें आनी हेर 5 |
| 03 | काणी तशी जुनीच पूण | प्रकाश वझरीकार | प्रमोद म्हाडेश्वर | 13 नोव्हें. .2002 | 2 रें आनी हेर 5 |
| 04 | साद अंतर्मनाचो | प्रकाश वझरीकार | प्रमोद म्हाडेश्वर | 15 डिसें. 2003 | 1 लें आनी हेर 5 |
| 05 | आनी एक प्रश्न पर्व | प्रकाश वझरीकार | प्रमोद म्हाडेश्वर | 21 ऑक्टो. 2004 | 1 लें आनी हेर 5 |
| 06 | परतीचे वाटेर | प्रकाश वझरीकार | प्रमोद म्हाडेश्वर | 19 जाने. 2005 | वैयक्तीक 2 |
| 07 | तो एक दीस | प्रकाश वझरीकार | प्रमोद म्हाडेश्वर | 26 जाने. 2006 | 1 लें आनी हेर 5 |
| 08 | नातें दर्या पलतडचें | प्रकाश वझरीकार | प्रमोद म्हाडेश्वर | 23 जाने. 2007 | उत्तेजनार्थ, हेर 5 |
| 09 | द रायट टू वोट | प्रकाश वझरीकार | विशाल गांवस | 23 ऑक्टो. 2009 | |
| 10 | होमकांड | प्रकाश वझरीकार | प्रेमानंद पोळे | 11 नोव्हें. 2010 | उत्तेजनार्थ हेर 5 |
| 11 | ऑत द फॅ | प्रकाश वझरीकार | निलेश महाले | 12 मार्च 2013 | 2 रें आनी हेर 4 |
| 12 | भूंय म्हजी भांगराची | प्रकाश वझरीकार | निलेश महाले | 29 जाने. 2015 | 2 रें आनी हेर 4 |
| 13 | आनंद मठी | प्रकाश वझरीकार | निलेश महाले | जानेवारी 2016 | उत्तेजनार्थ, हेर 2 |
| 14 | बनवड | प्रकाश वझरीकार | झिलू गांवकार | 8 एप्रिल 2019 | 2 रें आनी हेर 5 |
गोवा कोंकणी अकादेमी आयोजीत नाटक महोत्सवांनी सहभागः
कोवा कोंकणी अकादेमी दरवर्सा गोंयांतल्या दर्जेदार कोंकणी नाटकांचो महोत्सव घडोवन हाडटा. ‘ग्रामीण कला आनी सांस्कृतीक संस्थेन’ आयज मेरेन निर्मिती केल्ल्या 14 नाटकांतलीं 11 नाटकां ह्या महोत्सवांत सादर करपाची संद संस्थेक फावो जाल्या. हाचे वेल्यान संस्थेच्या नाट्य निर्मितीची तांक सिध्द जाता.
महोत्सवांनी सादर जाल्लीं नाटकां
| अ.क्र. | नाटकाचे नांव | लेखक | तारीक | थळ |
| 01 | राखण | पुंडलीक नायक | 22 मार्च 1995 | ठाणे सत्तरी |
| 02 | आनी एक बुटो फुल्लो | प्रकाश र. वझरीकार | 19 मार्च 2001 | बोरी गोंय |
| 03 | घट्ताण… कोणाचे? | प्रकाश र. वझरीकार | 22 फेब्रूवारी 2002 | नेतुर्ली गोंय |
| 04 | काणी तशी जुनीच पूण…. | प्रकाश र. वझरीकार | 13 फेबृवारी 2003 | पार्सें गोंय |
| 05 | साद अंतर्मनाचो | प्रकाश र. वझरीकार | 26 मार्च 2004 | दिवचल गोंय |
| 06 | आनी एक प्रश्न पर्व | प्रकाश र. वझरीकार | 08 फेब्रुवारी 2005 | मोर्लें सत्तरी गोंय |
| 07 | परतीचे वाटेर | प्रकाश र. वझरीकार | 17 जानेवारी 2006 | दोंगरी गोंय |
| 08 | तो एक दीस | प्रकाश र. वझरीकार | 26 जानेवारी 2007 | खोर्जुवें बार्देश |
| 09 | नातें दर्या पलतडचें | प्रकाश र. वझरीकार | 23 जानेवारी 2008 | कुडचिरें दिवचल |
| 10 | होमकांड | प्रकाश र. वझरीकार | 04 जानेवारी 2011 | नागेशी बांदोडें गोंय |
| 11 | भूंय म्हजी भांगराची | प्रकाश र. वझरीकार | 29 नेवारी 2015 | सांखळी गोंय |
| 12 | बनवड | प्रकाश र. वझरीकार | honda सत्तरी |
संकल्प थिएटर आयोजीत नाटक महोत्सवांतलो सहभाग.
| अ.क्र. | नाटकाचे नांव | लेखक | तारीक |
| 01 | काणी तशी जुनीच पूण…. | प्रकाश र. वझरीकार | डिसेंबर 2003 |
| 02 | साद अंतर्मनाचो | प्रकाश र. वझरीकार | डिसेंबर 2004 |
| 03 | आनी एक प्रश्न पर्व | प्रकाश र. वझरीकार | डिसेंबर 2005 |
| 04 | तो एक दीस | प्रकाश र. वझरीकार | डिसेंबर 2007 |
| 05 | नातें दर्या पलतडचें | प्रकाश र. वझरीकार | डिसेंबर 2008 |
| 06 | द रायट टू वोट | प्रकाश वझरीकार | डिसेंबर 2010 |
| 07 | बनवड | प्रकाश र. वझरीकार | एप्रील 2019 |
नाटक महोत्सवाचे आयोजन
गोवा कोंकणी अकादेमी दर वर्सा दर्जेदार कोंकणी नाटकाचो महोत्सव घडोवन हाडटा. 1995 वर्साचो तिसरो नाटक महोत्सव ग्रामीण विकास शिक्षण संस्थेन कोंकणी अकादेमीच्या जोड पालवान ठाणें सत्तरी हांगां ता. 22 मार्च ते 26 मार्चच 1995 ह्या दिसांनी घडोवन हाडलो. ह्या महोत्सवांत संस्थेच्या कलाकारांनी भौ. पुंडलीक नायक हांचे “राखण” हें नाटक करून शाब्बासकी मेळयली. पांचूय दीस मेळून साधारण 7000 ते 8000 लोकांनी ह्या महोत्सवाचो आस्वाद घेतलो. प्रेक्षकांचे संखेच्या नदरेन सत्तरीन नवो इतिहास रचलो. हें ह्या महोत्सवाचे फलीत आसलें. ह्या महोत्सवान सत्तरीतल्या नाट्य कलाकारांक उर्बा तर दिलीच पूण पुराय सत्तरीक ह्या महोत्सवान एक नवी दिका दिली अशें निश्चीत पणान म्हणू येता.
“म्हादई विशेषांक 1995” (साहित्यिक मळावेले योगदान)
सत्तरी म्हालाक पं महादेव शास्त्री जोशी आनी डॉ. पांडुरंग पिसुर्लेकार हांची एक साहित्यिक परंपरा आसा . ती परंपरा फुडे व्हरची ह्या उद्देशान संस्थेन सत्तरीतल्या नवोदितांक संद मळची म्हण जायत्या साहित्यिक कार्यावळींचे आयोजन केलां. “म्हादई विशेषांक 1995” तातूतलोच एक खासा उपक्रम संस्थेन यशस्वी रितीन राबयलो. सत्तरी म्हालाची सगळी म्हायती एकठांय मेळची ह्या उद्देशान शिक्षण, शेतकी, पशुसंवर्धन, पर्यावरण, कला व संस्कृती, आरोग्य, कोंकणी नाट्य चळवळ आदि विशयावेले लेख संकलीत करून “म्हादई विशेषांक 1995” हो विशेशांक प्रकाशित केलो. प्रा. प्रकाश र. वझरीकार, डॉ. रघुनाथ बा. धुरी ह्या संपादक मंडळाच्या आदारान राजेंद्र पां. केरकार हांणी हो आंक संपादीत करून त्या वेळावेले मुख्यमंत्री भौ. प्रतापसिंह रावजी राणे हांच्या हस्तुकी हो विशेशांक 1995 वर्सा प्रकाशीत केला. आयज तो विशेशांक विद्यापिठीय स्थराचेर संदर्भ पुस्तक म्हण वापरतात हें व्हड अभिमानान नमूद करीन दिसता.
लोककला संवर्धन
फुगडी कार्य शाळा;
‘ग्रामीण कला आनी सांस्कृतीक संस्था’ सत्तरी तालूक्यातल्या लोक कलाकारांक सदांच प्रोत्साहीत करीत आयल्या. ताचोच एक भाग म्हण ता. १९ डिसेंबर २००१ दिसा फुगडी कलाकारां खातीर एक दिसाची कार्यशाळा घेतली आनी संस्थेच्या वांगड्यांक मार्गदर्शन केले. ते कार्यशाळेतल्यान तयार जाल्ल्यो ‘धालो’ कला अकादमीच्या राज्य महोत्सवांत सादर केल्यात.
माळेगान कार्यशाळा
सत्तरी म्हाल म्हळ्यार लोक वेदाचो गडगंज खजिनो. हांगाचे कृशी परंपरेकडे दर एके लोककलेचो संबंध पळोवक मेळटा. ‘माळेगान’ हो असोच दुर्मीळ लोक गायनाचो प्रकार सत्तरीतल्या कश्टकरी कूळवाड्यान परंपरेन तिगोवन दवरिल्लो. पूण तो आयच्या आधुनीक युगांत नानपश्च्यात जावपाचे वाटेर आसा. माळेगान पुनर्जिवीत जावचे ह्या उद्देशान ‘ग्रामीण कला आनी सांस्कृतीक संस्थेन’, कला आनी संस्कृती संचालनालयाच्या आदारान यत्न केलो. आनी पश्चिम सांस्कृतीक केंद्र उदयपूर हांच्या ‘गुरू – शिष्य परंपरेच्या’ माध्यमातल्यान सत्तरीतल्या 12 तरनाट्याक 1 जुलै 2012 ते 30 जून 2013 ह्या काळांत ‘माळेगान’ गायनाचे धडे दिल्यात. आयज ते शीष्य माळेगानाच्यो कार्यावळी घडोवन हाडटात. अशे तरेन जें ‘माळेगान’ पुराय पणान काळाच्या पड्ड्या आड गेल्लें तें श्री. आपा केरकार ह्या एकमेव माळेगान गानेल्याच्या आदारान पुनर्जिवीत करपाचो यत्न केला. हे हांगा अभिमानान सांगन दिसता. आयज श्री. रामा राऊत आनी राघोबा केरकार हांचे पंगड ब-यापैकी ‘माळेगान’ सादर करूंक लागल्यात.
रअणमालें जत गायन कार्यशाळा
सत्तरी म्हाल म्हळ्यार लोक वेदाचो गडगंज खजिनो. हांगाचे कृशी परंपरेकडे नातें सांगपी तरेकवार लोक कला प्रकार पळोंवक मेळटात. ‘रणमालें’ हो असोच दुर्मीळ लोक नाट्य प्रकार सत्तरीतल्या कश्टकरी कूळवाड्यान परंपरेन तिगोवन दवरला. दाबोस गांवांक रणमाल्याची व्हड परंपरा आसलीं. पूण गांवगेले आनी जाण्ट्यांवांगडा ती परंपराय लुप्त जाली. त्या गांवांत रणमालें परंपरा पुनर्जिवीत जावची ह्या उद्देशान ‘ग्रामीण कला आनी सांस्कृतीक संस्थेन’, कला आनी संस्कृती संचालनालयाच्या आदारान पश्चिम सांस्कृतीक केंद्र उदयपूर हांच्या ‘गुरू – शिष्य परंपरेच्या’ माध्यमातल्यान दाबोस गांवच्या 12 तरनाट्याक 1 जानेवारी 2020 सावन ‘रणमाल्यांतली जत’ गावपाचे धडे दिता.
‘रणमालें’ महोत्सवाच्या माध्यमातल्यान रणमालें लोकना्ट्याचे संवर्धनः
सत्तरी म्हालाक एक खाशेली लोकनाट्य परंपरा असा. ‘रणमालें’ लोकनाट्य तर कोंकणी नाटकाच्या मुळाकडे नातें सांगता. ही लोकनाट्याची परंपरा खंडीत जावची न्हय. जाण्ट्या कलाकारांक एखटांय हाडून माची मेळोवन दितना ‘रणमालें’ लोकनाट्याचे संवर्धन जावचे, सत्तरीची खाशेली लोकपरंपरा आशिल्ल्या ह्या लोक नाट्याकडे तरनाटी पिळगी आकर्षीत जावची आनी तांणी ह्या लोक नाट्याचो भार आपल्या खांदार घेवचो. ह्या हावेसान ग्रामीण कला आनी सांस्कृतीक संस्था दर वर्सा कला आनी संस्कृती खात्याच्या आदारान रणमालें लोकनाट्य कलाकार स. रामा धुरी हांच्या नावान ‘रणमालें रणमालें महोत्सव आयोजीत करता.
| अ.क्र. | महोत्सव | थळ | वर्स |
| 01 | 1 लो | करंजोळ | 2010 |
| 02 | 2 रो | ठाणें | 2011 |
| 03 | 3 रो | दाबोस | 2013 |
| 04 | 4 थो | मासोर्डें | 2014 |
| 05 | 5 वो | ब्रम्ह करळी | 2015 |
| 06 | 6 वो | ठाणें | 2016 |
| 07 | 7 वो | सावर्शें | 2017 |
| 08 | 8 वो | वेळूस | 2018 |
कालिका वाचन मंदीर (वाचप घर)
ग्रामीण वाठारंतल्या लोकांमदीं वाचन संस्कृती विकसीत जावची. तांका सहजतायेन वेग वेळ्या विशयावेली पुस्तकां, संदर्भ ग्रंथ, दिसाळीं, म्हयनाळीं आनी बाल साहित्यावेली पुस्तकां उपलब्ध करून दितना गांवगि-या वाठारांतल्या विद्यार्थ्यामदी वाचनाची गोडी निर्माण जावची, ह्या उद्देशान ‘ग्रामीण कला आनी सांस्कृतीक संस्थेन’ सावर्शें सत्तरी हांगां 2004 वर्सा सावन कालिका वाचन मंदीर सुरू केलां ह्या वाचप घरांत वाचकां खातीर वेग वेगळ्या विशयावेली 30000 पुस्तकां उपलब्ध करून दिल्यांत. सावर्शे, वेळगें, खडकी, बाराजाण, भिरोंणें गांवचे विद्यार्थी आनी लोक हाचो फायदो घेतात.
गौरव सुवाळो
सत्तरी म्हालांतले विद्यार्थी, तरनाटे, कलाकार, खेळगडे जांणी आपआपल्या क्षेत्रात नांव कमोवन सत्तरी म्हालाचे नांव व्हड केलां. तांचें कौतूक जावचे, तांका उर्बा मेळची आनी हेर विद्यार्थ्यांनी तांचो आदर्श घेवचो म्हण ‘ग्रामीण कला आनी सांस्कृतीक संस्था’ अशा गुणवंतांचो गौरव सुवाळो घडोवन हाडटा. आयज मेरेन संस्थेन ह्या गुणवंत तर्नाट्यांचो गौरव घडोवन हाडला.
प्रा. राजेंद्र केरकार (साहित्य)
श्री. रुपेश गांवस (संगीत)
प्रा. प्रकाश पर्येकार (संशोधन)
डॉ. सुंदर धुरी (संशोधन)
श्री. साईश नाईक (विद्यार्थी)
श्री. विश्वनाथ गांवस (विद्यार्थी)
श्री. विठ्ठल गांवस (संगीत)
कु. सुनंदा यत्रेकार (क्रीडा)
कु. अभिजीत जोशी (इंजिनियरींग)
अस्मिताय पुरस्कार
गोंयच्या सामाजीक, सांस्कृतीक, शिक्षणीक, संगीत, पर्यावरण, संशोधन, उद्देग आदी मळाचेर सत्तरी कारांनी भौमोलाचें योगदान दिल्लें आसा. गोंयचे नाव व्हड करून आनी सत्तरीचे भुंयेची खासा वळख संसाराक दाखोवपाक हांगच्या भुंय पुतांनी कश्ट घेतल्यात आनी घेयत आसात.
स. विष्णु आत्माराम गाडगीळ हे सत्तरीतले निश्टावान प्रामाणीक शिक्षक. निरपेक्ष भावनेतल्यान तांणी सुस्म्स्कृत आनी स्वाभिमानी समाज घडॉवपाक शिक्षणाचो उपेग केला. तांच्या कर्तय्त्वाची देख मुखावयले पिळगेन घेवची हो हावेस दवरून ‘ग्रामीण कला आनी सांस्कृतीक संस्था’ २००३ वर्सा सावन सर्गेस्त विष्णु आत्माराम गाडगीळ गुरुजी हांच्या यादीक “सत्तरी अस्मिताय पुरस्कार” भेटयता. सत्तरीत सामाजीक, सांस्कृतीक, शिक्षणीक, संगीत, पर्यावरण, कृशी, संशोधन आनी उद्देग आदी साबार मळांचेर मोलादीक वावर करतल्याक हो पुरस्कार भेटोवपाचो हेतू आसा. आयज मेरेन “सत्तरी अस्मिताय पुरस्कार” भेटोवन सन्मानीत केल्ले भौमानेस्त अशे-
वर्स नांव कार्यक्षेत्र
2003 – श्री. राजेंद्र केरकर. पर्यावरण
2004– श्री. अनंत साखळकर. नाटक
2005 – श्री. दत्ताराम बर्वे किर्तन
2006 – सौ. सुवासिनी तेंडुलकर. समाज कार्य
2007– प्रा. प्रकाश पर्येकर. साहित्य
2008 – शाबा कुडतरकर कला
2009 – डॉ प्रेमानंद दलाल आरोग्य
2010 – श्री. विश्वासराव राणे उद्देग
2013 – डॉ. रघुनाथ धुरी पशुसेवा
2014 – डॉ. नारायण देसाय शिक्षण
2015 – डॉ. प्रकाश र. वझरीकार साहित्य
2016 – श्री. अशोक जयराम परोब समाज सेवा
2017 – श्री. आनंद गोपाळ म्हसकर संगीत